独一无二 - 洛桑

词：民间

曲：民间

ངའི་སྐེ་ཡི་གའུའི་ནང་ན།།

ལྷ་སྒྲོལ་དཀར་སྒྲོལ་ལྗང་གཉིས་ཡོད།།

སྐུ་རང་བྱོན་ཟིག་དང་གསུམ་ཡོད།།

དེའི་ཕན་གི་འདང་ཆེན་ང་མེད།།

དེའི་གཅིག་གི་ཚབ་ལ་ཁྱོད་འཇོག །

ཁྱོད་བཞག་ཐོག་དེ་ནས་འདུག་དགོས།

ངའི་ཡུལ་གྱི་གཡང་ཁྱིམ་ནང་ན།།

དྲིན་ཕ་ལོ་མ་ལོ་གཉིས་ཡོད།།

ནང་མིང་སྲིང་ཟིག་དང་གསུམ་ཡོད།།

དེའི་ཕན་གི་འདང་ཆེན་ང་མེད།།

དེའི་གཅིག་གི་ཚབ་ལ་ཁྱོད་འཇོག །

ཁྱོད་བཞག་ཐོག་དེ་ནས་འདུག་དགོས།།

ངའི་སྡེ་ཆེན་སྡེ་བའི་ནང་ན།།

རོགས་ཁ་ཡ་ན་ཟླ་གཉིས་ཡོད།།

ཆུང་བྱིས་དུས་རྩེད་རོགས་གསུམ་ཡོད།

དེའི་ཕན་གི་འདང་ཆེན་ང་མེད།

དེའི་གཅིག་གི་ཚབ་ལ་ཁྱོད་འཇོག

ཁྱོད་བཞག་ས་དེ་ནས་འདུག་དགོས།།