新年谣 - 谢旦/根呷/泽旺拉姆

词：西德尼玛

曲：佐庆丹真

音乐宣传：谢旦贴吧工作室

根呷：

གངས་ཆབ་སྔོན་མོ་ལྷུང་ལྷུང་སྟོད་ནས་འབབ།

ནས་འབྲུ་སྔོན་མོ་ཤག་ཤག་སྨད་ནས་འབབ།

སྨོན་ལམ་བཟང་བས་བདུད་རྩི་ཆང་ལ་གྱུར།

ཕ་དང་ཨ་ཁུས་བཞེས་ན་ཉམས་རེ་དགའ།

ཨ་གཡང་གིས་རྩེད། ལོ་གཡང་གིས་མཆོད།

དེ་རིང་བཀྲ་ཤིས་གནམ་ལོ་ལ།

རྒན་གྱི་ཚེ་ཐག་རིང་བོའི་མཆོད་གསུམ་འཕེན།

泽旺拉姆：

དཀར་ཆུ་འོ་མ་ཤག་ཤག་གོང་ནས་འབབ།

ཇ་ལོ་མེ་ཏོག་ཞིམ་ཞིམ་གཤམ་ནས་འཁྱིལ།

སྨོན་ལམ་བཟང་བས་ཇ་ཟངས་ནང་ལ་འཛོམས།

ཞིམ་པོའི་འོ་ཇ་མ་དང་སྲུ་མོར་མཆོད།

ཨ་གཡང་གིས་རྩེད། ལོ་གཡང་གིས་མཆོད།

དེ་རིང་བཀྲ་ཤིས་གནམ་ལོ་ལ།

མ་དང་སྲི་མོའི་ལུས་སེམས་དྲོ་བར་ཤོག

谢旦：

དགའ་བའི་གཞས་ཤིག་ལྷང་ལྷང་གཡས་ནས་བཏང།

མཉམ་པའི་བྲོ་ཞིག་ལྡེམ་ལྡེམ་གཡོན་ནས་འཁྲབ།

སྨོན་ལམ་བཟང་བས་ཁྲོམ་པ་གཅིག་ལ་འཛོམས།

བྲོ་གཞས་ཆ་འགྲིག་ཁ་ཡ་ན་ཟླར་འབུལ།

ཨ་གཡང་གིས་རྩེད། ལོ་གཡང་གིས་མཆོད།

དེ་རིང་བཀྲ་ཤིས་གནམ་ལོ་ལ།

ཁ་ཡ་ན་ཟླའི་ཁ་སེམས་མཐུན་པར་ཤོག

合：

ཨ་གཡང་གིས་རྩེད། ལོ་གཡང་གིས་མཆོད།

བཀྲ་ཤིས་ཀྱི་ལོ་གཡང་ཁྱེད་ལ་མཆོད།

སྐལ་བཟང་གི་ལོ་གཡང་ཁྱེད་ལ་མཆོད།

བདེ་ལེགས་ཀྱི་ལོ་ཡི་ལོ་གཡང་ཁྱེད་ལ་མཆོད།

ཨ་གཡང་གིས་རྩེད།

ལོ་གཡང་གིས་མཆོད།

བཀྲ་ཤིས་ཀྱི་ལོ་གཡང་ཁྱེད་ལ་མཆོད།

སྐལ་བཟང་གི་ལོ་གཡང་ཁྱེད་ལ་མཆོད།

བདེ་ལེགས་ཀྱི་ལོ་ཡི་ལོ་གཡང་ཁྱེད་ལ་མཆོད།